Белгілі қаламгер, Қазақстан Журналистер және Қазақстан Жазушылар одағының мүшесі Өріс Яшүкірқызы Яшкурова қолындағы өзінің құжаттарын архив қорына табыстады. Ол 1949 жылы 6 мамырда Қызылорда облысы, Сырдария ауданында туған.
“Боямасыз өмір”, әңгімелер жинағы «Шенеунікше тактика», әзіл-сықақ, сатиралық әңгімелері жарыққа шыққан. Сонымен қатар «Сексеуілдің шоғы», «Қараша қаздың қаңқылы» өлеңдер жинақтарының авторы.
Ө. Яшүкірқызы 1976-1997 ж.ж. Торғай облыстық телерадиокорпорациясында комментатор, тележурналист;
1997-2001 ж.ж. жылдарда елордасы Астана қаласының “Астана ақшамы” газетінде әлеуметтік сала бөлімінің меңгерушісі,
2001-2009 ж.ж Қазақстан Республикасы Мәдениет және ақпарат министрлігінің Ақпарат және мұрағат комитетінде бас сарапшысы қызметтерін атқарды.
